Саудия Арабистони нефть қазиб олувчи мамлакатларнинг нефть қазиб олишни камайтириш ҳақидаги таклифларини қабул қилмаганини тушунтирди, деб ёзади Financial Times.

«Ҳозирда одатдагидан кўра ишонч кам. Ҳамма мамлакатлар ҳам берган ваъдасини бажара олмаяпти. Қазиб олишни камайтириш ҳақида ваъда беришади, аммо амалда бундай қилишмайди», — дейди Саудия Арабистони нефть вазири Али ал-Наимий. Шунингдек у мамлакат нефть нархини музлатиб қўйиш бўйича келишувдан чиқишини ҳам айтди. Унинг фикрича, нефть қазиб олишни камайтириш билан АҚШ ва Канаданинг қиммат нефтини қўллаб-қувватланган бўлади, холос.

Аввалроқ Қиролликнинг ташқи ишлар вазири Одил ал-Жубайр Саудия Арабистони ҳукумати нефть қазиб олишни қисқартиришга тайёр эмаслигини маълум қилганди.