Хитойнинг Нинбо шаҳридаги метронинг юқорига олиб чиқувчи эскалаторининг тўсатдан орқага қараб ҳаракатлана бошлагани туфайли 5 киши жароҳат олди.

CCTV телеканали томонидан чоп этилган видеоёзувда бир неча ўнлаб киши эскалатордан метро платформасига йиқилаётганини кўриш мумкин.

Юқорига кўтарилувчи эскалатор бирданига шиддат билан орқага ҳаракатлана бошлаган ва юқорига кўтарилаётган одамлар пастга қараб қулаган ҳамда орқаларидан келаётган одамларнинг устига ағдарилган.

Ушбу ҳолат юзасидан тергов олиб борилмоқда.