Хосеп Гвардиола: «Менга «Ювентус» жавоб ўйинида янада тажовузкор бўладигандек туйилмоқда»

Спорт 24 Февраль 2016 1781

«Бавария» жамоаси бош мураббийи Хосеп Гвардиола ЕЧЛнинг нимчорак финалида «Ювентус» билан кечган ва 2:2 ҳисобида якунланган ўйинидан кейин ўз фикрларини билдириб ўтди.

«Бу турнирдаги иккита кучли жамоа ўртасидаги баҳс бўлди ва шогирдларим қайд этган натижадан хурсандман. Биламан, бу мамлакатдагилар футболда биринчи ўринда жисмоний устунликка эътибор қаратишади. Лекин шогирдларим жисмонан тенгма-тенг курашишди ва тўпни назорат қилишди. Албатта биз Италияга «Юве»нинг ўз дарвозамизга биронта зарба бермаслигига умид қилиб келмагандик.

Погба, Манжукич, Мората, Бонуччи ва менинг севимли футболчиларимдан бири, ўз даврининг энг маҳоратли дарвозабони Буффон каби футболчиларга қарши жиддий кураш кечиши тайин эди. Шунинг учун 90 дақиқа давомида тинмадик. Ғалаба учун ўйнагандик, аммо футболда барчаси истаганингдек бўлавермайди.

Умуман олганда биз яхши ўйин ўтказдик. «Юве» ўтган мавсумда ЕЧЛ финалига чиққанди. Улар турнирда 4 марта ғолиб бўлишган. Бу жамоа Италияда бу мавсумда кетма-кет 13 ўйинда ғалаба қилишди. Ўтган йили улар ЕЧЛда биздан яхшироқ натижа кўрсатишди. Биў ҳаваскор жамоага қарши ўйнамадик. Бугунги натижа кутганимиздек бўлмади, лекин ўйиндан қониқиш ҳосил қилдим.

Бу натижа чорак финалга чиқишимиз учун етарли бўладими? Билмадим, жавоб учрашувида «Юве» бугунгидан ҳам тажовузкорроқ ўйнайди деб ўйлаяпман. Лекин мен хурсандман. Балки бу кеча фаолиятимдаги энг ажойиб кечадир.

Жавоб ўйинида бошқача бўлади. Рақиб ғалаба учун боради. Ёки 3та гол уришга ҳаракат қилади. Биз ҳам гол уришга ҳаракат қиламиз. Мен уларнинг босими остида қоламиз деб ўйламаяпман. Агар улар қаттиқ ҳужумга ўтишсагина ҳимояланишимиз мумкин.

Умид қиламанки, Мюнхендаги ўйин янада чиройлироқ ўтади», – дейди Гвардиола.

Жамоаларнинг жавоб учрашуви Мюнхенда, 16 март куни ўтказилади.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28619 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64568 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8022 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 124900 Жамият
Зафар Рўзиев: Энди Қашқадарёда етиштириладиган пахтанинг 60 фоизгача бўлган қисми ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 264 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 712 Жаҳон
Ўзбекистон Республикаси Олий суди турли миш-миш хабарларга раддия берди
Уқубат ва бардош тимсоли. Афғонистонда бугун мустақиллик куни (фотожамланма)
17:20 838 Жаҳон
Кўпроқ янгиликлар