Дунёнинг энг қадимги жонивори оддийгина денгиз гупкаси экани маълум бўлди.

Массачусетс технология институти тадқиқотчилари шундай хулосаага келишган.

Улар ўтказган генетик таҳлил тошларда топилган 640 миллион ёшли органик молекулаларни айнан гупкалар берганини тасдиқлади.

Тадқиқотчилар ўз мақоласини Proceedings of the National Academy of Sciences журналида чоп этишди.

Жонзотларнинг тошга айланган кўплаб қолдиқлари қарийб 540 миллион йил аввал бошланган кембрия эрасига бориб тақалади.

Геологик стандарт бўйича бир оддий ҳужайранинг мураккаб кўп ҳужайрали организмга (“кембрия портлаши” деб аталувчи) тез ўтиши олимларда ҳанузгача савол туғдирмоқда.

Америкалик тадқиқотчилар холестерин модификациясидан бири ҳисобланмиш липид 24-изопропилхолестан – молекульяр жонзот қолдиғи билан ишлашди. Бу молекулалар кембрия ва докембрия турларида юқори миқдорда мавжуд.

Шунингдек, 24-изопропилхолестанни 640 миллион ёшли Уммондан келтирилган тошда топишди.

Мазкур липид баъзи бир замонавий сув ўтлари ва гупкаларни ишлаб чиқаради. Олимлар генларни 30 хил организмлар – ўсимлик, қўзиқорин, сув ўтлари ва гупкалар билан солиштириб кўришди. Керакли ген (SMT) фақатгина губка ва сув ўтларида бир неча кўринишларда топилган.

Ниҳоят, биологлар гупкаларнинг қўшимча нусхаси (SMT) cув ўтларидан аввалроқ – айнан 640 миллион йил олдин пайдо бўлганини аниқлашди. Шу ўринда маълум бўладики, гупкалар Ер сайёрасининг энг қадимги жонзотлари саналади.