Бундан олдин Формула-1 пойгаларида Ferrari жамоасини бошқарган Стефано Доменикали Lamborghini компаниясининг раҳбари этиб тайинланди. 50 ёшли мутахассис, компанияда 14 йил хизмат қилган Стефана Винкельманнинг ўрнини эгаллади.

Доменикали 2007 йилда Жад Тодтани ўрнига “Феррари” формула жамоасининг спорт директори этиб тайинланди. Унинг бошчилигида команда 2008 йилда Конструктор Кубогининг ғолиби бўлишди.

Ferrari`да сал кам 7 йил ишлаган италиялик мутахассис, 2014 йилнинг апрель ойида жамоанинг омадсиз чиқишлари туфайли уларни тарк этди. Кейин Доменикали Audi фирмасининг Италиядаги бўлимига раҳбар этиб тайинланди.

Стефан Винкельманни эса Audi Quattro GmbH`нинг директори этиб тайинлашди. Немислар Винкельман Audi`нинг бозордаги "иссиқ автомобиллар"нинг позициясини яхшилайди ва Mercedes-Benz ва BMW савдо натижаларига яқинлаштиради деб умид қилишмоқда.

2015 йилда Quattro автомобилларининг савдоси 13 фоизга ошган бўлиб, 17 минг машинага етган. Бунга қарамасдан, Mercedes-AMG ҳамда BMW M мос равишда 68,8 ва 62,4 минг автомобиль сотишга муваффақ бўлган.