Яқин 2-3 йилда Қозоғистоннинг бир қатор шаҳарларида тахминан 15 та McDonald's ресторани очилади, деб маълум қилди McDonald's’нинг Қозоғистонда франчайзинг ҳуқуқига эга бўлган тадбиркор Қайрат Бўронбоев.

Бўронбоевнинг айтишича, McDonald's’нинг 200 кишига мўлжалланган Қозоғистондаги биринчи ресторани Остонада 8 мартда очилади. Бу ресторанда 200 дан кўпроқ иш ўрни яратилади. Ушбу ресторанга инвестициялар ҳажми 3,5 млн долларни ташкил қилмоқда. "Харажатни қоплаш борасида гапирадиган бўлсак, бизда барча лойиҳалар харажатни қоплаш муддатига эга, барча ресторанлар харажатларни қоплай олади, ҳаммаси биз яна нечта ресторан қуришимизга боғлиқ" деб айтди Бўронбоев.

Жорий йилнинг биринчи ярмида Олмаотада иккинчи ресторанни очиш режалаштирилмоқда.

"Ресторанлар учун асосий маҳсулотларни Россия корхоналари етказиб беради. Россияда деярли барча зарурий маҳсулотлар ишлаб чиқарилади, баъзи маҳсулотлар Европадан олинади. Ресторанлар ривожланишига қараб кейинчалик масаллиқларни ўзимида ишлаб чиқаришимиз мумкин", деб айтди Бўронбоев.

Бўронбоев, шунингдек, Беларусда ҳам McDonald's франчайзингига эга.

Дунёда энг йирик ресторанлар тармоғи McDonald's 100 дан ортиқ давлатдаги 35 мингдан қўпроқ ресторанни бирлаштиради ва ҳар куни 70 млн дан кўпроқ мижозга хизмат кўрсатади.