Маълумки, Samsung MWC 2016 кўргазмасида нафақат Galaxy S7 ва Galaxy S7 Edge смартфонлари, балки уларнинг аксессуарлари ҳам намойиш қилинди.

Компания қўшимча аккумуляторга эга бўлган Backpack чехоли, ечилувчи QWERTY-клавиатураси ва индикаторга эга бўлган флип-кейсни тақдим этди.

Бу рўйхат билан янгиликлар тугаб қолмайди. Шу маълум бўлдики, компания ечилувчи объективлар ўрнатилган Samsung Lens Cover чехолини ҳам намойиш қилди. Аксессуар силикон чехол ва объективларни улаш учун смартфон камераси ўрнида жойлашган резъба уясидан ташкил топган.

Қурилма эгалари икки объективдан бирини ўрнатиб олишлари мумкин: телеобъектив-суратни мустақил равишда катталаштириш учун ва оддий кенг бурчакли объектив.

Фойдаланувчиларнинг фикрига кўра, аксессуарлар ўз вазифасини яхши уддаламоқда.

Бундан ташқари, фойдаланувчилар линзаларни тўғрилашлари ва созлашлари шарт эмас, чунки бу аксессуарлар махсус Galaxy S7 учун чиқарилган.

Samsung Lens Cover чехолини компаниянинг расмий сайтидан топиш мумкин, лекин унинг сотувга қачон чиқиши номаълумлигича қолган.