Sharp Corp. йирик Hon Hai Precision Industry корпорациясининг ҳозир иқтисодий қийинчиликларни бошидан кечираётган ушбу электротехника ишлаб чиқарувчи япон корпорациясини сотиб олиш таклифини қабул қилди.

Аввалига Sharp Япония ҳукумати ва хусусий бизнес билан биргаликда таъсис этилган саноатни янгилаш Жамғармаси билан музокаралар олиб бораётган эди. Жамғарма Sharpни ўз назорати остига олиб 300 миллиард иен (2,5 миллиард доллар) ажратишни таклиф қилган эди.

Бироқ Hon Hai Precision Industry икки баробар кўпроқ нарх – 600 миллиард иен (5 миллиард доллар)га Sharp ни тўлиқ сотиб олиш истагини билдирди. Яна у, компаниянинг кучсиз бўлимини бошқа корхона таркибига ўтказмоқчи бўлган Жамғармадан фарқли равишда, компаниянинг ҳозирги ҳолатини, унинг ҳамма ишчилари билан биргаликда, сақлаб қолиш кафолатини ҳам беради.

Hon Hai Precision Industry – дунёдаги энг йирик электрон мосламалар етказиб берувчилардан. Foxconn бренди остида, хусусан Америка корпорация Apple билан шартнома бўйича, Хитой халқ Республикасида iPhone смартфонларини йиғади.

Тўлиқ ёки қисман бошқа корпорацияга қўшилиш орқали Sharp компанияси ўзининг технологик даражасини кўтариш ва бизнеснинг янги соҳалари, жумладан маиший электроника соҳасида янгиликлар қилишга умид қиляпти.

Sharp ўтган йилни 222,35 миллиард иен (тахминан 1,87 миллиард доллар) миқдоридаги соф зиён билан якунлади.