Пентагон томонидан 2016-2017 йиллар учун Марказий Осиё давлатларининг террорчиликка қарши кураши учун сўралган 50 млн доллардан катта қисмини Тожикистон олади, деб хабар бермоқда Afghanistan Today нашри.

АҚШ мудофаа вазирлиги томонидан маълум қилинган ҳужжатда маблағлар толиблар, ИШИД ва Марказий Осиёдаги бошқа террорчилик гуруҳлари фаолиятига қарши курашиш учун йўналтирилади ва минтақадаги барқарорликка кўмак бериши айтилган. Пентагон минтақадаги асосий ҳамкори сифатида Тожикистонни айтган, деб маълум қилмоқда Еadaily нашри.

АҚШда Террорчиликка қарши курашишни қўллаб-қувватлаш дастурини (Counterterrorism Partnerships Fund) амалга ошириш 2014 йилдан бошланган. Пентагон томонидан сўралган маблағлар (2016 йил учун 20 млн доллар ва 2017 йил учун 30 млн доллар) Афғонистон билан чегараларни қўриқлашни кучайтириш, ноқонуний миграция, гиёҳванд моддалар ва қурол-аслаҳа айланмасига қарши курашишга кўмак беришга йўналтирилади.