ФИФА президентлиги учун сайловлар муносабати билан ташкил қилинган навбатдан ташқари конгрессда ажабтовур воқеилик кузатилди.

Associated Press ахборот агентлиги журналисти Роб Харриснинг маълум қилишича, конгресс овоз беришнинг тизимини текшириб кўриш учун тест режимидаги сўров билан бошланган. Унда ФИФА аъзоларига: «ЖЧ-2018 Россияда бўлиб ўтадими?» дея савол берилган

201 нафар ФИФА аъзосининг 11 нафари (5 фоизи) бунга салбий жавоб берган, қолган 190 киши (95 фоиз) тўғри жавоб берган.

Эслатиб ўтамиз, бугун, 26 февраль куни Цюрихда ФИФАнинг янги президентлиги учун сайловлар бўлиб ўтади. Унда ОФК президенти шайх Салмон бин Иброҳим Ал-Халифа, УЕФА Бош котиби Жанни Инфантино, Иордания шаҳзодаси Али бин Ал-Хусайн, жанубий африкалик Токио Сексвале ва ФИФА собиқ Бош котиби Жером Шампань номзод сифатида иштирок этишмоқда.