Францияда топилган ўрта асрларга тегишли қабрлардаги одам суяклари археологик ва генетик таҳлили бу суяклар мусулмонларга тегишли эканини тасдиқлади. Тадқиқот PLoS ONE илмий журналида чоп этилган.

Ўрта асрлар вақтида Ўрта Ер денгизининг араб-ислом истилоси жуда тез кечган ва минтақада жиддий сиёсий ва маданий ўзгаришларга олиб келган. Мусулмонларнинг Пириней яриморолида бўлгани ҳужжатлаштирилган, бироқ яриморолдан шимолга томон мусулмончилик ёйилишининг бирорта исботи йўқ эди.

Дастлабки археологик тадқиқотлар Миллий институти ходими Ив Глез ва унинг Бордо университетидаги ҳамкасблари Франциянинг Нима шаҳрида топилган суякларнинг у ерда 8-асрда истилочилар бўлгани билан боғлиқлигини текширдилар. Тадқиқотчилар суяклар ДНКсини таҳлил қилдилар, бу суяклар тегишли бўлган одамларнинг жинси ва ёшини аниқладилар ҳамда уларнинг дафн қилиниши жиҳатларини ўргандилар.

Археологлар жасадлар мусулмон анъаналарига кўра дафн қилингани, яъни улар бошлари билан қибла томонга қаратиб кўмилганини аниқлашди. Генетик таҳлил уларнинг Шимолий Африкада аждодлари бўлганини, радиоуглерод таҳлил эса қабрлар 7-9 асрларга тегишли эканини тасдиқлади. Олимлар бу суяклар Умаядилар (араб халифалари сулоласи) армиясидаги берберларга (7 асрда исломни қабул қилган Шимолий Африканинг туб аҳолиси) тегишли бўлганини тахмин қилишган.

Тадқиқот муаллифларининг фикрича, мусулмон қабрларининг кўп эмаслигига қарамасдан, бу топилма мусулмонларнинг Франция жанубида 7-асрлардаёқ бўлганининг жиддий тасдиғи ҳисобланади.