Mail.ru Group ўзининг HeadHunter порталини Elbrus Capital бошчилигидаги сармоядорлар консорциумига 10 миллиард рублга сотиб юборди.
Битим 2016 йил 25 февраль куни якунланди, хабар беради РБК.

Mail.Ru Group ушбу HeadHunter бизнесига охирги етти йил давомида эгалик қилди. Шу вақт ичида порталнинг ойлик фойдаланувчилари сони 4 миллиондан 19 миллионгача ошди, резюмелар базаси 3 миллиондан 19,7 миллионга, бўш иш ўринлари базаси 70 мингдан 300 мингга етди.

2015 йили HeadHunter порталининг даромади 3055 миллион рублни ташкил этди.

HeadHunter - Россиянинг иш қидиришга мўлжалланган йирик порталларидан бири.