Миср президенти Абдул Фаттоҳ ас-Сиси бугун—26 февраль куни осиё бўйлаб сафарини бошлайди. Сафар доирасида Қозоғистон, Япония ва Жанубий Кореяда бўлади. Бу ҳақида Миср етакчисининг расмий манбасига таяниб, РИА хабар бермоқда.

Маълумотга кўра, Остонада икки томонлама савдо-иқтисодий ҳамкорлик ва терроризм ҳамда экстремизмга қарши биргаликда курашиш масалалари муҳокама қилинади. Шунингдек, ас-Сиси Назарбоев университетида маъруза ўқиши кутилмоқда.

Сўнг Миср президенти Токиога жўнайди ва Япония императори Акихито билан учрашади. Шунингдек, иқтисодий дастурлар бўйича мамлакатнинг етакчи ишбилармонлари, йирик компаниялар раҳбарлари билан ҳам мулоқотлар режалаштирилган.

Миср президентининг осиё бўйлаб сафари Жанубий Кореяда якунданади. Сеулда икки давлат ўртасидаги кўп томонлама ҳамкорлик ва шерикликни ривожлантириш тўғрисидаги Декларация имзоланиши белгиланган.