Тўрт ой давом этган наркотикларга қарши махсус операцияни амалга ошириш натижасида саудиялик ҳуқуқ муҳофазачилари 16 тоннадан ортиқ наша ва 26 миллион дона наркотик таблеткаларни қўлга туширдилар. Операция давомида битта саудиялик полициячи ва бешта наркодилерлар ҳалок бўлган.

Ички ишлар вазирлиги хабарига кўра, яна 28 полициячи ва 13 наркодилерлар ўзаро тўқнашувда турли даражада жароҳатланган.

Шу йилнинг 30 январь куни ўз ниҳоясига етган ушбу тўрт ойлик операция натижасида 953 нафар контрабандист қамоққа олинган. Уларнинг 258 нафари саудиялик бўлган. 

Шунингдек, полиция томонидан 16,1 тонна наша, 401 кг кокаин, 8,3 кг героин, 565 г опиум, 26,1 миллион наркотик таблеткалар ва бошқа гиёҳванд моддалар ҳамда 339 та қурол, улардан 36 таси пулемёт, 26,5 миллион дирҳам миқдоридаги пул суммаси мусодара этилган.