«Blancco Technology Group» компанияси тадқиқот ўтказиб, инсонларга энг кўп ноқулайликлар келтиратидиган смартфонларни аниқлашди.

Шу маълум бўлдики, 2015 йилнинг тўртинчи чорагида 85 фоизи муаммоси «Android» платформасида ва атиги 15 фоизи «iOS»да ишлайдиган девайслар муаммоли мобил қурилмалар деб топилди.

Агар ишлаб чиқарувчилар бўйича фоизлар бўлиб чиқилса, энг кўп муаммоли «Android» қурилмалар ичида 27 фоиз билан Samsung етакчилик қилмоқда. Ундан кейинги ўринларни, 21 фоиз билан Lenovo, Motorola ва Xiaomi мос равишда 18 ҳамда 11 фоизлар билан эгаллашган.

Муаммоларнинг ўзи ҳақида гапириладиган бўлса, фойдаланувчиларнинг энг кўп “бош оғриғи” бу камера билан боғлиқ ноқулайликлар эканлиги аниқланди. Бу ноқулайлик 10 фоиз қурилмаларга тегишли. Кейинги муаммо эса, 9 фоиз билан сенсор экранларга, 6 фоиздан микрофон ва қурилма тезлиги билан боғлиқ муаммоларга тегишлиги аниқланди.

Юқорида келтирилган ноқулайликлар, «Android» ва «iOS»да ишловчи 40 фоиз смартфонларга тегишли ҳисобланади.

Қизиқарлиси шуки, муаммоларнинг хусусиятлари географияга қараб ўзгариши маълум бўлган. Мисол учун, Шимолий Америкада барча муаммолардан 25 фоизини инсонлар камера ва тезлик бўйича, Европада эса 56 фоизини қурилма антеннаси ва қўнғироқ қилиш бўйича нолишади.