AZUR air авиакомпаниясига тегишли бўлган, Россиянинг Москва шаҳридан Таиланднинг Пхукет шаҳрига учаётган Boeing 767-300 самолёти Ўзбекистон пойтахти Тошкент шаҳридаги халқаро аэропортга мажбурий қўнишни амалга оширди. Бунга двигателдаги мой даражаси учишни давом эттириш учун етарли бўлмас даражада камайгани сабаб бўлган. Бу ҳақда РИА Новости хабар тарқатган.

Дастлабки маълумотларга кўра, 2016 йилнинг 26 февраль куни бортида 327 йўловчи бўлган самолёт Тошкентдаги аэропортга маҳаллий вақт билан соат 05.38да мажбуран қўнган.

Авиакомпания йўловчиларни ўз манзилларига етказиб қўйиш учун иккита захира самолёти Тошкентга юборилиши айтилган.

Ғарбий-Сибир округи транспорт прокуратураси ходими Оксана Горбунова Красноярск транспорт прокуратураси ушбу ҳодиса бўйича текширув ишлари олиб бораётгани ҳақида маълум қилган.

Текширув парвоз хавфсизлик қоидаларига амал қилиш ва тўхташга мажбур бўлган самолёт йўловчилари ҳуқуқларини сақлаш назорати бўйича олиб борилмоқда.