Сурия ҳукумати ва мухолифати ўртасидаги тинчлик сулҳи кучга кирган вақтда Ҳалаб ва Ҳомс шаҳарларига "Жибҳат ан-Нусра" террорчи гуруҳига алоқадор гуруҳ томонидан миномёт орқали зарба берилди. Бу ҳақда РИА Новости ахборот агентлиги маҳаллий манбаларга асосланиб, хабар тарқатган.

"Жангарилар Ҳалабнинг курдлар яшовчи Шиҳа ва Ашрафия туманларига миномёт орқали зарба берган. Зарбалар сулҳ доирасидан ташқари гуруҳ жойлашган Бензиёд ҳудудидан йўлланган.

Шунингдек, Ҳомснинг Им-Шаршуҳ ва Мазари Ҳилалия туманларига миномёт зарбалари берилган", дейди манба.

Маълум қилинишича, тинч аҳоли вакиллари истиқомат қилувчи бу ҳудудларга "Жибҳат ан-Нусра" таъсирида бўлган "Лива ас-Султан Мрад" гуруҳи томонидан ҳужум қилинган.

Сурияда ўт очишни тўхтатиш бўйича келишув кучга кирди