Toshiba компанияси Европадаги компьютерлар савдосини тўхтатиши ҳақида маълум қилди. The Register нашри хабарига кўра, компания Япония ва АҚШдаги корпоратив сегментни янада кучайтирмоқчи.

Дастлаб ОАВда Toshiba компаниясининг шахсий компьютерлар бозорини тарк этиши ҳақида ёзилганди. Энди эса компания Европа бозоридан чиқиб кетиши ҳақида расман маълум қилди.

Аммо Toshiba компьютер бозоридан буткул кетишни режалаштирмаган. Ноутбук ва планшетлар савдоси, маълум қилинганидек, япон ва АҚШ бозорида давом этади. Toshiba ўтган йилнинг декабрь ойида Россия бозорини тарк қилганди.

Digitimes нашри ҳатто Toshiba компаниясининг Vaio ҳамда Fujitsu компаниялари билан бирга ишлаб чиқаришни йўлга қўйиши ҳақида ёзган бўлса, «Коммерсантъ» нашри Toshiba`нинг ортидан рус электроника бозорини Sharp компанияси ҳам тарк этгани, Panasonic компанияси эса арзон моделлар ишлаб чиқариш ва етказиб беришдан воз кечгани ҳақида ёзганди.