Тошкент шаҳри Миробод туманида истиқомат қилувчи фуқаро эски таниши билан учрашиб, суҳбатлашган чоғда, 70 000 АҚШ доллари пули бор экани ҳақида билиб олади. Бу маълумот унинг оромини ўғирлайди. Орадан икки кун ўтиб, танишига қўнғироқ қилади ва бир яхши иш бўйича маслаҳатлашиш кераклигини айтади.

Мулоқот чоғида у айни пайтда қурилиш компаниялар билан ҳамкорлик қилиши, коллеж ва лицейлар қурилишларида иштирок этиши ҳақида айтиб, дўстини ҳам бу ишга чорлайди: “Қурилишга пул тиксангиз, орадан бир неча кун ўтиб, икки баробар қайтариб оласиз”, деб аврайди. Икки баробарлик тез даромад ҳақидаги “эртак”ка лаққа тушган одам аслида йўқ бўлган бизнесга пул тикади. Бошқачароқ айтганда, фирибгарнинг қўлларига ўз пулларини осонгина топширади.

Орадан ҳафтаю ойлар ўтиб, на даромад, на пулдан дарак бўлмагач, сохта тадбиркор таниши устидан шикоят аризаси билан ҳуқуқни муҳофаза қилиш органларига мурожаат қилади.

Жиноят ишлари бўйича Тошкент шаҳар Миробод тумани суди айбланувчини 8 йил муддатга озодликдан маҳрум қилди, деб ёзади “Ҳуқуқ” газетаси.