Қашқадарё вилоятининг Косон тумани Янгиобод туманида истиқомат қилувчи Мадраҳим Нодиров ўз укаси, қариндошлари ва маҳалласидаги яна бир неча йигитни Қозоғистон Респуликасига ишлашга чақириб, уларни қозоқ миллатига мансуб фуқарога сотиб юборган. Бу ҳақида “Ҳуқуқ” нашри хабар берди.

Маълум бўлишича, айбланувчи Қозоғистонга келган яқинлари ва маҳалладошларининг ҳар бири учун 300 АҚШ долларидан пул олган. Бундан бехабар йигитлар иш берувчининг қўлида ойлаб меҳнат қилганлар, бироқ бир сўм ҳам иш ҳақи олмаганлар. Бир неча ойлик азобларидан сўнг юртига қайтган йигитлар Мадраҳим Нодиров устидан ҳуқуқни муҳофаза қилувчи органларга шикоят қилган.

Жиноят ишлари бўйича Қарши тумани суди айбланувчи Мадраҳим Нодировни 5 йил муддатга озодликдан маҳрум қилди.