Воркутадаги "Северная" шахтасида янги портлаш содир бўлди, унда қутқарувчилар ҳалок бўлди. Бу ҳақда 28 февралда тезкор штабдаги манбага иқтибос келтирган ҳолда ТАСС ахборот агентлиги хабар берди.  

Қайд этилишича, портлаш Москва вақти билан соат 03:35 да содир бўлган. Дастлабки маълумотларга кўра, 6 киши ҳалок бўлган: 5 нафар қутқарувчи ва бир нафар шахта ишчиси. Яна 5 киши жароҳат олган.

Айни вақтда шахтага қутқарувчиларнинг қўшимча гуруҳлари юборилмоқда. Фавқулодда вазият сабабли яқин орада Россия фавқулодда вазиятлар вазири Владимиром Пучков бошчилигидаги тезкор штаб йиғилиши бошланиши белгиланган.

27 февралда фавқулодда вазиятлар вазирлиги шахтада авариявий қисмда ёнғин тўхтамаётгани сабабли катта миқдорда метан гази тўплангани сабабли қайта портлаш юз беришидан огоҳлантирганди.

Шу куннинг ўзида шахтадаги ишлар узоқ вақтга тўхтатилгани эълон қилинганди. Пучков шахтада қидирув-қутқарув ишлари ва бошқа технологик операциялар якунланиши, унинг ҳаётни таъминлаш тизимлари тикланиши зарурлигини айтган.

25 февралда шахтанинг бир қисмида қазиш ишлари олиб борилаётган жойда тоғ зарбаси – тоғ жинслари ўпирилиши юз берган. Ўпирилиш юз берганда шахтада 110 киши бўлган, улардан 80 нафари юзага чиқарилган. 8 киши тиббий ёрдам сўраган. 4 нафар шахтёр ҳалок бўлган, яна 26 кишининг тақдири номаълумлигича қолмоқда.