Томск политехника университети (ТПУ) матбуот хизматининг хабарига кўра, корпуси 3D-принтерда чоп этилиб йиғилган ва “Энергия” ракета-космик корпорациясига (РКК) топширилган биринчи сунъий йўлдош ХКС (Халқаро космик станция)дан космосга учирилади

РКК сунъий йўлдоши охирги текширувларни ўтиб бўлгач, “Бойқўнғир” космодромига юборилади ва 31 март куни "Прогресс МС-2" юк кемасида ХКСга олиб чиқилади.
Тахмин қилинишича, космонавтлар сунъий йўлдошни очиқ коинотга чиқиш жараёнида ХКСнинг ташқи юзасидан учириш режалаштирилган. Сунъий йўлдош орбитасининг баландлиги 400 километрни ташкил қилади.

ТПУда яратилган қурилма нано сунъий йўлдошлар (CubSat) турига мансуб бўлиб, унинг ўлчамлари 30х10х10 сантиметрни ташкил этади. Пресс-релизда таъкидланишича, 3D-принтерда чоп этиш нано сунъий йўлдошларни оммавий ва осонроқ ишлаб чиқаришда ёрдам беради.

“ТПУ сунъий йўлдоши янги космик материал технологиялари ва бир қанча олий таълим муассасаларининг натижаларини синовдан ўтказишда ёрдам беради”, - дейилади матбуот баёнотида.