Ҳиндистон ва Шанхай Ҳамкорлик ташкилоти аъзолари бу мамлакатнинг ташкилотга аъзо бўлиб кириши ҳақида меморандумни имзолашади. Бу ҳақда Россия президентининг ШҲТ бўйича вакили, Россия ТИВнинг ташкилотдаги махсус элчиси Бахтиёр Хакимов маълум қилган.

Россиялик дипломатнинг қайд этишича, бу меморандум навбатдаги саммит вақтида имзоланиши режалаштирилган.

"Меморандум имзоланиши бўйича миллий координаторлар даражасида келишиб олинган. Бу лойиҳани ҳамкорларга етказиш ва муҳокамалар ўтказиш бўйча қарор бор. Ишлашда давом этамиз", дейди Хакимов.

Эслатиб ўтамиз, ШҲТнинг навбатдаги саммити Тошкентда, 23-24 июнь кунларида ўтказилади.