АҚШ президенти лавозимига номзод, Техас штатидан сенатор Тед Круз партияси бўйича рақиби, яна бир номзод  Дональд Трампни уюшган жиноятчилик билан алоқаси борликда айблади.

Трамп Крузнинг сайловолди пойгасидаги асосий рақибларидан бири ҳисобланади.

"ОАВда Дональд мафия билан ишлар олиб бориши ҳақида кўплаб хабарлар мавжуд. Эҳтимол унинг солиқ ҳужжатлари текширилиши хабар қилинганидан кўпроқ нарса айтиши мумкин", деб айтди Круз NBC телекомпанияси эфирида.

Сенаторнинг айтишича, Дональд Трамп S&A Constructrion қурилиш компаниясининг раҳбари билан бир неча бор битимлар тузган. Бу компания раҳбари, "Семиз" лақабли Тони Салерно кейинроқ қамоқ жазосига маҳкум қилинган. Крузнинг айтишича, бу компаниянинг эгалари Нью-Йоркнинг иккита йирик мафиоз клани ҳисобланади. Бу ҳақда АҚШ матбуотида бир неча бор айтиб ўтилган.