Хитойда 1,8 миллион ишчи саноатда ортиқча кучланишни қисқартириш дастурини амалга ошириш доирасида ўз иш ўринларидан воз кечишга мажбур бўладилар.

“Айни пайтда тошкўмир қазиб олиш ва пўлат саноати ортиқча кучланишнинг қисқартирилиши амалга ошириладиган жойлар рўйхатининг энг аввалида турибди. Дастлабки прогнозларга кўра, кўмир саноатида 1,3 миллион киши, пўлат саноатида эса 500 минг киши, умумий ҳисобда 1,8 миллион киши ишидан бўшатилади”, - деди Хитой Халқ Республикаси меҳнат заҳиралари ва аҳолини ижтимоий муҳофаза қилиш вазири Инь Вэйминь 29 февраль куни бўлиб ўтган матбуот-конференциясида.

Аввалроқ Хитой саноат ва ахборот технологиялари вазири ўринбосари Фан Фэй 100 миллиард юань (15,3 миллиард доллар) миқдоридаги жамғарма ташкил этилиши ҳақида маълум қилган эди. Маблағнинг асосий қисми кадрлар қисқаришидан азият чеккан ходимларни ишга жойлаштиришга сарфланади, деб хабар беради РИА Новости.

Январь ойида "Цзинцзи цанькао бао" нашри ХХР нинг марказий иқтисодий ташкилотлари мамлакатнинг оғир саноати кучланишини пасайтириш учун ҳар йили таҳминан 100 миллиард юань (12,1 миллиард доллар) маблағ сарфлашни режалаштирганини маълум қилган.