29 февраль куни Москвадаги "Октябрьское Поле" метро бекати олдида қўлида 4 ёшли боланинг боши билан ушланган ва гўдакнинг қотиллигида гумон қилинган муҳожир аёл ўз қилмишига иқрор бўлган. Бу ҳақда ҳуқуқни муҳофаза қилиш органларига асосланиб, "Интерфакс" хабар тарқатган.

Манбанинг айтишича, терговчилар гумонланувчи Гулчеҳра Бобоқуловадан жиноятнинг тафсилотларини билиб олишган.

Айни вақтда қотиллик содир этилган квартирада текширувлар давом этмоқда.

Бундан олдинроқ, терговда бу аёл турмуш ўртоғининг хиёнатидан кейинги руҳий тушкунлик оқибатида бу ишни содир этгани ҳақида маълумот берилганди.