Сурияда турли давлатлардан 33 нафар журналист артиллерия отишмаси остида қолди, деб хабар бермоқда РСН нашри.

Бу ҳақда Россия мудофаа вазирлиги расмий вакили генерал-майор Игорь Конашенков маълум қилди.

Унинг айтишича, журналистлар орасида Россия, Болгария, Греция, Германия, АҚШ, Хитой ва Канада давлатлари мухбирлари бўлган.

Кўнгилсиз воқеа журналистлар ярашув ҳақида келишувни имзолаган ва тинч аҳоли қайтаётган аҳоли пунктларига ташриф буюришганда содир бўлган.

Аввалроқ хорижий журналистлар жабрланган Латақиядаги артиллерия отишмаси Туркия ҳудудидан олиб борилгани маълум қилинганди. Конашенковнинг айтишича, умумий ҳисобда 8 та снаярд отилган, улар журналистлардан 150 метрдан 400 метргача узоқликда тушган.

Сурия армияси зобити томонидан тақдим қилинган маълумотларга кўра, отишмани "Жибҳад ан-Нусра" жангарилари олиб борган.