«Реал» жамоаси бош мураббийи Зинедин Зидан жамоа ҳужумчиси Криштиану Роналдунинг ОАВ орқали ўз жамоадошларининг жисмоний формаси ҳақида танқидий фикрлар билдирганига нисбатан муносабатини билдириб ўтди.

«Ўтиб бўлган «Атлетико»га қарши ўйиндаги ҳолатларни ковлаш шарт эмас. Бу ўйин ўтмишда қолди. У дерби бўлса ҳам, қанчалик муҳим бўлса ҳам, бир ўйин эди.

Энди биз олға ҳаракатланишимиз ва кейинги ўйинлар ҳақида ўйлашимиз керак.

Криштиану барча билан, мен билан ҳам, жамоадошлари билан ҳам гаплашиб олди. Бу муаммо ўтмишда қолди. Биз барчамиз унинг жамоадаги муҳим ўйинчи эканини шундоқ ҳам биламиз ва уни қўллаб-қувватлаймиз. Бу мавзу ёпилди, уни ўзимиз ҳал қилдик. Жамоа билан.

Хамес борасида тўхталадиган бўлсам, у ўзи ҳақдаги турли гапларша эътибор қаратаётгани йўқ. У машғулотларда бор кучи билан ҳаракат қилмоқда.

Мен уни нимададир айбламоқчи эмасман. У ўз устида ишлашда давом этиши керак. Бу гап нафақат унга, барчага тааллуқли.

Иско ёки Хамесни натижалар учун айблаш осон, аммо барчамиз бир қайиқдамиз. Токи мен бу жамоада бош мураббий эканман, курашда давом этамиз», – дейди Зидан.

Криштиану Роналду: Агар бутун жамоа менинг даражамда ўйнаганда, "Реал" биринчи ўринда кетаётган бўларди

Goal.com: Роналду «Реал»нинг машғулоти вақтида жамоадошларидан узр сўради

«Реал» мавсум якунида ярим ҳимоячиларидан бирини сотиб юборишни режалаштирмоқда