Bentley компанияси ва Mulliner фирмаси Mulsanne моделидаги лимузинини Grand Limousine номи билан янгидан ишлаб чиқди. Янги олти ўриндиқли машина премьераси Женевадиги автосалонда бўлиб ўтди.

Лимузин стандарт моделидан бир метрга узунроқ, 79 миллиметрга баландроқ қилиб ишланган. Орқа ўриндиқлар йўловчиларнинг бир-бирларига қараб ўтиришларига мўлжаллаб тайёрланган.

Bentley Mulsanne Grand Limousine тўлиқ имкониятлари расмий равишда маълум қилинмаяпти. Автомобилнинг стандарт кўриниши 6,75-литрли твин-турбо, 512 от кучига эга бўлган.

Шунингдек, Bentley Mulsanne Grand Limousine‘нинг нархи ҳам маълум қилинмаган. Бундай турдаги автомобиллар фақат махсус буюртмалар асосида ишлаб чиқарилиши кутилмоқда.