Facebook ижтимоий тармоғи асосчиси Марк Цукерберг Forbes журнали талқини бўйича дунёнинг энг бой одамлари рейтингидаги ўз мавқеини 10 позицияга яхшилаб, 16-ўриндан 6-ўринга кўтарилди.

Forbes чоп этган маълумотларга кўра, Цукербергнинг давлати бир йил ичида 11,2 млрд долларга кўпайган ва 44,6 млрд долларга етган.

Бундан ташқари, Amazon компанияси асосчиси Джефф Безос ҳам рейтингдаги ўрнини 10 позицияга яхшилаган, унинг давлати 45,2 млрд долларни ташкил қилмоқда.

Рейтнингнинг энг юқори поғонасини анъавий тарзда Microsoft раҳбари Билл Гейтс эгаллади. Ўтган йил ичида унинг бойлиги 4,2 млрд долларга камайиб, 75 млрд долларни ташкил қилган.

Аввалроқ Forbes журнали дунёнинг энг бой одамларининг 2016 йилги рейтингини чоп этди. Янги рейтинг ҳисоб бўйича юбилей 30-рейтинг бўлди.