АҚШ президенти Барак Обама твиттерда АҚШнинг "Тампа Бэй Рэйз" бейсбол жамоасининг Куба терма жамоасига қарши учрашувига ташриф буюришини тасдиқлади. Бейсбол учрашуви 22 мартда Гаванада бўлиб ўтади. 

"Ўйнаймиз!", деб жавоб берди учрашув ва унга Обаманинг ташриф буюришини эълон қилган Бош бейсбол лигасининг твитига Обама. 

Аввалроқ Обама март ойи охирида Кубага ташриф буюриши маълум бўлганди.

"АҚШ раҳбари Куба ҳукумати ва Куба халқининг азиз меҳмони бўлади. У Кубага хос бўлган меҳмондўстлик билан кутиб олинади", деб айтилди Куба ташқи ишлар вазирлигидаги АҚШ бўлими бошлиғи Хосефина Видаль хабарида.

Барак Обаманинг Кубага ташрифи АҚШ президентининг Кубага 1928 йилдан бери биринчи сафари бўлади. Ўшанда Кубага АҚШнинг ўша пайтдаги президенти Калвин Кулиж ташриф буюрган. АҚШ жамоасининг Кубадаги учрашувда иштирок этиши 1999 йилдан бери биринчиси бўлади.

Обаманинг Кубага ташрифидан кейин Гаванада Rolling stones рок гуруҳи бепул концерт беради.