“Биз фуқаролар учун барча қулайликларни яратиб беришимиз керак. Одамлар Бишкек кўчаларида сайр қилишдан қўрқмасликлари лозим”, - дейди Қирғизистон Бош вазири Темур Сариев Бишкек шаҳрининг янги ҳокимини таништиришда бўлган йиғилишда.

“Келаётган пайшанба патруль тафтиш хизмати ва ЙПХнинг қўшилиши ҳақидаги қарорни имзолайман. Бишкек шаҳрида содир бўлган жиноят ва йўл-транспорт ҳодисалари жойларига етиб бориш вақтини камайтириш учун 100 та автомашина ажратиб берилмоқда. Энди милиция ходимлари чақирувга уч дақиқа ичида етиб келадилар”, - дейди Темур Сариев.