“Ёшлар ижод саройи”да “Ихтисослаштирилган бўш иш ўринлари ярмаркаси” бўлиб ўтмоқда

Ўзбекистон 03 Март 2016 3504

Ўзбекистон Республикаси Сенати томонидан тасдиқланган “2016 йилда иш ўринларини ташкил этиш ва аҳоли бандлигини таъминлаш дастури” доирасида белгиланган вазифалар ижросини таъминлаш мақсадида 2016 йилнинг 3-4 мартида “Ёшлар ижод саройи”да “Ихтисослаштирилган бўш иш ўринлари ярмаркаси” бўлиб ўтди.

Меҳнат ярмаркаси Ўзбекистон Республикаси Меҳнат вазирлиги, шаҳар ҳокимлиги, шаҳар прокуратураси, Тошкент шаҳар ИИББ, “Маҳалла” Хайрия жамоат фондининг Тошкент шаҳар бўлими ва “Камолот” ЁИҲ ҳамкорлигида ўтказилди.

Ярмарканинг очилиш маросимида сўз олганлар қайд этганидек, мустақилликнинг дастлабки йиллариданоқ мамлакатимизда ногиронлар, уруш ва меҳнат фахрийлари, ёлғиз кексалар ва аҳолининг бошқа ҳожатманд қатламларига тиббий-ижтимоий ёрдам кўрсатиш тизимини янада такомиллаштириш, уларнинг турмуш даражаси ва сифатини ошириш, шунингдек, аҳолини ижтимоий ҳимоя қилиш ҳамда қўллаб-қувватлаш масаласига давлат сиёсати даражасида эътибор қаратилмоқда. Хусусан, 2009 йилдан буён ҳукумат ишлаб чиққан лойиҳа асосида Иш ўринлари ташкил этиш ва аҳоли бандлигини таъминлаш дастури парламент томонидан қабул қилиниши ҳамда унинг ҳаётга татбиқ этилиши устидан назорати олиб борилишига оид амалиётнинг йўлга қўйилиши ўз натижасини бераётгани таъкидланди. Тадбирда йиғилганлар биргина 2015 йилда мамлакатимизда 980 мингдан ортиқ иш ўрни ташкил қилинган бўлиб, шунинг 60 фоиздан зиёди қишлоқ жойларда яратилгани, коллежларнинг 480 мингдан ортиқ битирувчиси иш билан таъминланига алоҳида урғу беришди.

Тадбирдан кўзланган мақсад — Тошкент шаҳридаги вақтинча иш билан банд бўлмаган ва фаол иш қидираётган аҳоли, биринчи навбатда ёшлар, аёллар ва ногиронлар ҳамда хорижий давлатларда меҳнат фаолиятида бўлиб қайтган мигрантлар ҳамда одам савдоси жабрдийларига шаҳарда мавжуд бўш иш ўринлари билан танишиш имкониятини яратиш, уларнинг доимий иш билан таъминланишига кўмаклашиш ҳисобланади.

Бундай хайрли вазифани амалга оширишга ҳисса қўшиш мақсадида ярмаркада тегишли вазирлик ва идораларнинг масъул мансабдор шахслари, жамоат ташкилотлари ҳамда тижорат банклари ва оммавий ахборот воситалари вакиллари иштирок этди.
Ярмаркада вакант иш ўринларига эга корхона ва ташкилотлар ўз фаолияти ҳақида батафсил маълумот берувчи кўргазмали стендлари, тарқатма материалларини иштирокчилар эътиборига ҳавола этишди. Бундан ташқари, ярмаркага ташриф буюрган ёшлар, иш билан банд бўлмаган аҳоли Меҳнат вазирлиги ва вазирлик ҳудудий бошқармаларининг мутахассисларидан фуқароларнинг иш билан таъминланиши ҳамда меҳнат муҳофазасига оид амалдаги қонунчилик юзасидан ўзларини қизиқтирган саволларига батафсил жавоб олиш имкониятига эга бўлишди.

Ихтисослаштирилган ярмаркада 5мингдан ортиқ бўш иш ўринлари билан 350 дан ортиқ ташкилот ва корхоналар иштирок этди. Бундан ташқари, ўзининг хусусий бизнесини юритиш ниятида бўлганлар учун имтиёзлар шартларда ва қисқа муддат ичида кредит ажратишга кўмаклашиш мақсадида 60 дан ортиқ тижорат банклари жалб этилди.

Икки кунлик меҳнат ярмаркасида 5 мингдан ортиқ аҳолининг ташрифи таъминланди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13396 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20706 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10353 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11178 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38296 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52237 Жамият
Атамбоев Қирғизистон бош вазири вазифасини бажарувчини тайинлади
14:25 127 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 819 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 602 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Кўпроқ янгиликлар