Шу йил бошидан буён Аргентинада денге безгагига чалинган 15 мингга яқин одам рўйхатга олинган.

Ҳозирга келиб Аргентинанинг 23 вилоятидан 15 тасида денге безгаги тарқалган. Парагвай чегарасига яқин Формос ва Мисьоне вилоятларида оғир ҳолат ҳукм сурмоқда: касаллиги тасдиқланганлардан ташқари денге безгаги белгилари билан 6360 одам шифокорлар назорати остида сақланмоқда. Бу ҳақда 2 март куни соғлиқни сақлаш вазири Хорхе Лемус баёнот берди.

Аргентина пойтахтида 216 кишида денге безгаги қайд этилган. Лекин мамлакатда шу вирус оқибатида ўлим ҳолати кузатилмаган, деб хабар беради ТАСС.

Вазирнинг сўзларига кўра, бу йил Аргентинада денге безгаги одатдагидан аввалроқ бошланган. Бунга қишнинг илиқ келиши ва кўп ёмғир ёққани сабаб бўлган бўлиши мумкин.

Денге безгаги – тропик ва субтропик минтақаларда кенг тарқалган вирусли инфекция. Унинг белгилари: юқори даражали истима, кўнгил айниши, тошмалар, бош ва бел оғриғи. Безгакнинг геморрагик вариантида кучли ички қон кетиш ҳам кузатилади.

Денге лихорадкасини пашшанинг Aedes aegypti тури тарқатади, худди шу пашшалар Зика ва чикунгунья вирусларини юқтириши мумкин.