Таиланд пойтахти Бангкокда тираннозавр олиб кетаётган юк машинаси тирбандликда қолиб кетди, деб хабар бермоқда ушбу ҳолат тасвирланган видеога иқтибос келтирган ҳолда Asian Correspondent портали.

Ушбу воқеа 29 февралда юз берган. Видеода тираннозаврнинг қимирлаётгани, оғзини очаётгани ва ўкираётганини кўриш мумкин. Ён атрофдагилар тўпланиб, уни суратга ва видеога ола бошлаганлар.

Портал маълумотларига кўра, бу улкан маҳлуқ 18 мартда Бангкокда очиладиган "Динозаврлар сайёраси" тематик боғига олиб кетилаётган тираннозавр нусхаси бўлган.

Тираннозавр бу боғга ўрнатиладиган 200 та автоматлаштирилган динозаврлардан бири бўлади.

 

น่ากลัวสัส!

Опубликовано สัตว์โลกอมตีน 2 марта 2016 г.