Бразилия полицияси Facebook компаниясининг Лотин Америкасидаги бўлими вице-президенти Диего Дзоданни озодликка чиқарди, деб хабар бермоқда Reuters ахборот агентлиги.

Дзодан турмада 24 соат ушлаб турилгандан кейин қўйиб юборилди. Таъкидланишича, энг куйи инстанция судининг Дзоданни ҳибсга олиш ҳақидаги қарори аппеляция суди томонидан бекор қилинган.

Facebook’да суд қарори маъқулланди ва Дзоданнинг ҳибсга олиниши "ҳаддан ташқари қатъий чора" эканлиги айтилди.

Бразилия полицияси Дзоданни, суд қарорига қарамасдан, ижтимоий тармоқ Бразилия ҳуқуқ-тартибот муассасаларига гиёҳванд моддалар обороти иши бўйича маълумотни бермагани учун ҳибсга олган.