Голландия чемпионати иштирокчиси бўлмиш «Витесс» жамоаси сафида ижара асосида ўйнаб келаётган футболчи, трансфер ҳуқуқи «Челси» жамоасига тегишли бўлган сербиялик ёш футболчи Данило Пантич ўзининг ўйин амалиётисиз қолиб кетаётганидан шикоят қилди.

«Мен ҳозир фақат «Челси»га қайтишни истаяпман. У ерда ҳеч бўлмаса машғулотларда қатнашардим. Агар мени яхши футболчи деб билмаса, «Витесс»дагилар мени нега чақиришганини тушунмаяпман.

Балки, уларга шунчаки серблар ёқмас? Бу ерда Неманья Матич ҳам ўйнаб кета олмаганди, Урош Журжевич билан ҳам худди шундай бўлганди», — дейди Пантич.