Финляндияда хотин-қизларнинг армияда хизмат қилишга ихтиёри равишда ёзилишлари рекорд даражага етди. Бу ҳақда Yle хабар бермоқда.

Маълум қилишларича, ушбу кўрсаткич 842 нафар кишини ташкил этган.

Бу ҳақда мамлакат қуруқликдаги қўшин матбуот хизмати хабар берган.

Ўтган йили ана шундай хотин-қизлар ҳисоби 800 нафарни, ундан олдинги йил эса 818 нафарни ташкил этган эди.

Маълум қилишларича, армияга хизмат қилишни ихтиёрий истовчи хотин-қизларнинг аксарияти Уусимаа ва Жануби-Ғарбий Финляндия ҳудудларидан бўлишган.