КХДР ҳукумати яқин радиусли бир қанча ракеталарни учирган. Бу ҳақда Жанубий Корея Мудофаа вазирлигига асосланиб, Reuters агентлиги хабар берган.

Маълум қилинишича, бу яқин радиусли ракеталар Япон денгизи йўналишида учирилган.

Вазирлик вакилининг сўзларига кўра, унинг ходимлари бу ракеталарни аввалига артиллерия снарядлари деб ўйлашган.

Бундан олдинроқ, АҚШ Молия вазирлиги КХДРга қарши санкциялар рўйхати кенгайтирилгшани ҳақида маълум қилганди.

2016 йил январида КХДР водород бомбасини муваффақиятли тарзда синовдан ўтказганини эълон қилган эди. Бир ой ўтиб эса, мамлакат Ерни кузатиш учун мўлжалланган сунъий йўлдошни орбитага олиб чиққан ракетанинг муваффақиятли парвози ҳақида маълум қилди.

Эслатиб ўтамиз, аввалроқ Пхеньян бундан кейин БМТнинг Инсон ҳуқуқлари бўйича кенгаши ишида қатнашишдан бош тортгани хабар берилган эди.