Миср Александрия ва Синайдаги ёдгорликларни ЮНЕСКО рўйхатига киритмоқчи

Жаҳон 03 Март 2016 1707

Мисрда иккита тарихий обидани ЮНЕСКОнинг Бутунжаҳон мероси объектлари рўйхатига киритиш учун ҳаракатлар бошланди. Миср Қадимий ёдгорликлар вазири Мамдуҳ ад-Даматийнинг айтишича, гап Александрия ва Синай яриморолидаги тарихий ёдгорликлар ҳақида кетмоқда.

Унинг сўзларига кўра, Александриянинг тарихий археологик объектлари бўйича досье тузилмоқда. Бу объектлар Птолемейлар сулоласи даврига мансуб ҳисобланади. Шунингдек, Синайдаги қадимий ҳарбий қалъани ЮНЕСКО ҳимоясига ўтказиш учун иш олиб борилмоқда.

Александрия шаҳрига милоддан аввалги 332 йилда Александр Македонский томонидан асос солинган. Шаҳар ўзининг улкан кутубхонаси ва қирғоқ яқинидаги 110 метр баландликка эга бўлган денгиз маёғи билан ажралиб турган. Шунингдек, шаҳарда милоддан аввалги асрларда қурилган энг йирик 2 колоннанинг бири, Помпей колоннаси бўлган. Бугунги кунгача, шаҳар жойлашган ҳудудда антик давр университети, қадимги римликларга хос ҳаммомлар ҳамда амфитеатрлар қолдиқлари сақланиб қолган.

Мисрликлар Синай яриморолининг шимолида жойлашган Фиравнлар оролидаги Таба шаҳрида қурилган Салоҳ ад-Дина номли қадимий ҳарбий қалъани ҳам рўйхатга киритишни мақсад қилишган.

Бу қалъа араб меъморчилиги намунаси бўлиб, 12 асрда ҳудуд бошлиғи учун истеҳком вазифасини ўтаган. Бир неча йил олдин бу обида қайта таъмирланиб, музейга айлантирилганди. Бу қалъа Қизил денгиз ҳудудида, Исроил билан чегара яқинида жойлашган.

ЮНЕСКО Бутунжаҳон мероси объектлари рўйхатига жами 1031та объект киради. Шундан 802таси маданий обидалар, 197таси табиат мўъжизалари қолганлари эса мусиқа асбоблари, урф-одатлар ва анъаналар амалий санъат ҳамда бошқалар.

Шу вақтгача Мисрдаги Абу-Мена ёдгорлиги (Илк христиан даврига мансуб), Фива, Қарноқ ва Луксор ибодатхоналари, Мемфисдаги пирамидалар (Қадимги Миср), Ислом давридаги Қоҳира обидалари, Нубиядаги меъморчилик иншоотлари, Муқаддас Екатерина ибодатхонаси ва бошқа тарихий ёдгорликлар киритилган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар