Москва шаҳрида 29 февраль куни 4 ёшли қизчани ўлдирганликда гумон қилиниб қўлга олинган ўзбекистонлик муҳожир, қизчага энагалик қилиб келган Гулчеҳра Бобоқулованинг отаси Баҳриддин Тўраев ўз қизининг қилмиши учун оммадан узр сўради. 62 ёшли отадан "Газета.ру" нашри интервью олган.

"Бизнинг оиламиз катта. Менинг 6 қизим, 19 набирам ва бир эварам бор. Биз барчамиз унинг қилган иши ҳақида эшитиб, даҳшатга тушдик. Мумкин бўлса уни кечиринглар. Бизни ҳам кечиринг. Болалар йиғламоқда, онаси касал бўлиб қолди. Бундай бўлишини у ҳам, биз ҳам истамаганмиз", дейди у.

Гумонланувчининг ўзи бу ишни олдиндан режалаштиргани ҳақида айтган. У ўз қилмиши учун ҳеч қайси одамдан узр сўраш ниятида эмаслиги ҳақида айтган.

Интервью берган ота ўша қотилликдан кейин 2 кун ўтиб, Бобоқулованинг Ўзбекистондаги 19 ёшли ўғли ҳибсга олингани ҳақида айтган.