Аёл турмуш ўртоғи ва қизчаси билан бирга расм чизаётган пайтни суратга туширди, бироқ натижа кутилганданда зиёдроқ бўлди.

Фотосуратга биринчи бор назар ташласангиз, эркакнинг оёқлари жуда ҳам кичкинадек, унинг ёнгинасида ўтирган қизи эса совет даврининг мактаб формасини кийиб олгандек туюлади.

Аслида эса улар шунчаки ёнма-ён ўтирган ҳолда ота – компьютердаги график муҳаррирлигида, қизча эса ўз ён дафтарчасида сурат чизмоқда.

Аммо илк таасурот ажойиб тарзда кўзларни алдайдиган кўринишни акс эттирган бўлиб, бу ҳол суратни ижтимоий тармоқларда шов-шув бўлишига олиб келди. Расм Redditга жойлаштирилгач, 1,7 млн.га яқин фойдаланувчи томонидан томоша қилинди ва интернет бўйлаб «қайноқ бўғирсоқлар»дек тарқала бошлади.

«Мени рафиқам қизим билан расм чизаётганимизда суратга олди. Бир қарашда қизим ёнимда тургандек, менинг оёқларим эса жуда ҳам кичкинадек кўринади», «Қизнинг кийими ҳам аввалги давр формасини ёдга солади», «Мен Албанияликман ва бизда бошланғич мактаб ўқувчилари ҳанузгача ана шундай кийимда юришади», - дея изоҳлайди суратни кўрган тармоқ фойдаланувчилари.