«Манчестер Юнайтед» жамоасининг собиқ футболчиси Пол Скоулз «Арсенал»нинг чемпионатда ғолиб бўлиш имкониятини жуда ёмон баҳолади.

«Тоттенҳэм» «Арсенал»ни мағлуб қилса, бу жамоани амалда яксон қилади. «Канонирлар»ларда «Уайт Ҳарт Лайн» стадионида кечадиган ўйинда жамоавий руҳ етишмаслиги мумкин. Жамоа кетма-кет мағлубиятлардан кейин жуда тушкун аҳволда. Улар бу қийин вазиятда характер кўрсата олишларига кўзим етмайди. Мен уларда «Тоттенҳэм»ни енгиш учун сирли қурол борлигига шубҳа қиламан.

Жорий мавсумда мен «Арсенал» энди чемпионга хос ўйин кўрсатади деб ўйлаб янглишдим. Мен жамоа Чех ва Ўзил етакчилигида ғолибона қадам ташлайди деб ўйлагандим. Мен уларнинг чемпион бўлишига ишонч билдиргандим.

Аммо ҳал қилувчи паллалар келганида, «Арсенал» ўзига бўлган ишончни йўқотиб қўйди ва муҳим ўйинларда ғалаба қозона олмади. Менимча, энди жамоа мавсум чемпиони бўла олмайди, Венгер катта босим остида қолган», – дея фикр билдиради Скоулз.

Эслатиб ўтамиз, «Арсенал» АПЛнинг 27 ва 28-турларида «Манчестер Юнайтед» ҳамда «Суонси» жамоаларидан мағлуб бўлди. Айни вақтда жамоа 51 очко билан учинчи ўринда, пешқадам «Лестер»дан 6 очко ортда бормоқда.

АПЛнинг 29 тури доирасидаги «Тоттенҳэм» ва «Арсенал» учрашуви 5 март куни, Тошкент вақти билан соат 17:45да бошланади.