Кувайтда полициячи калтакланди. Бу воқеа акс этган видеода тасвирланишича, кучли кайф таъсири остида бўлган иорданиялик одам тунги кийимда машина устига чиқиб олиб ғалати рақслар ижро этади. Кейин сакраб тушиб ўз хизмат машинаси ёнида турган полициячини бесабаб калака қила бошлайди ва тўсатдан оёғи билан бошига зарба беради. Полициячи кутилмаган зарбадан йиқилади, маст одам эса уни қаттиқ калтаклашда давом этади.

Видео тасвирда уни тартибга чақирмоқчи бўлган одамларни ҳам қувлаб урмоқчи бўлгани ҳам кўринади.

Маҳаллий нашрларда ёзилишича, эркак кучли психотроп моддалар таъсири остида бўлган. Қочмоқчи бўлган зўравонни полиция ходимлари ва йўловчилар тутиб олишган.