Евроиттифоққа кирувчи мамлакатларнинг айримлари Россияга нисбатан қўлланилган иқтисодий санкцияларни қайта кўриб чиқишни истамоқда. Бу ҳақда The Wall Street Journal ёзмоқда.

Бунга ундаган асосий сабаблардан бири, Украина шарқидаги зўравонликларни камайтириш, шунингдек, Украина ҳукумати билан боғлиқ муаммолардир. Маълум бўлишича, ЕИ мамлакатлари ташқи ишлар вазирлари жорий ойда Россия билан муносабатларини қайта кўриб чиқишади.

Нашрнинг қайд этишича, Россияга нисбатан муносабатларнинг ўзгариши жорий йилнинг июнь ойида Санкт-Петербургда ўтадиган иқтисодий форумда Еврокомиссия раҳбари Жан-Клод Юнкернинг ташриф буюриши билан бўлиши мумкин. Бу Қрим Россияга қўшиб олингандан кейин бу даражадаги амалдорнинг Россияга биринчи ташрифи бўлади, деб ёзади нашр.