Хитой атроф-муҳитни ҳимоялаш вазирлиги нефтегаз корпорацияси бўлмиш China Petrochemical Corp. (Sinopec)нинг Гуйчжоу провинциясида қад ростлаши назарда тутилган кимё заводинининг қурилишига изн бермади. Бунга заводнинг атроф-муҳитга жиддий зарар етказиши сабаб этиб кўрсатилган. Бу ҳақда China Daily хабар бермоқда.

Нашрнинг қайд этишича, кимё заводининг инвестицияси 17 млрд юань (2,6 млрд доллар)ни ташкил этади. Завод полиолефин маҳсулоти ишлаб чиқаришга мўлжалланган эди. Унинг қурилиши ер ости суви ўтган туманда бошланиши керак эди. Бу эса ичимлик сувини заҳарланишига сабаб бўлар эди.

Sinopec икки ой ичида ишни қайта кўриб чиқиш учун вазирликка мурожаат этиши мумкин.

Маълумот учун, Sinopec нефтни қайта ишлаш, нефтегаз геологияси разведкаси, нефть ва газ, шунингдек, нефть кимёси ташуви билан шуғулланувчи корпорациядир.