АҚШ Давлат департаменти экстремистик гуруҳлар, жумладан ИШИД ва "Ал-Қоида" ҳамда уларнинг таъсири остида бўлган майда гуруҳлар томонидан Европа ҳудудида янги терактлар амалга оширишни режалаштиргани ҳақида огоҳлантирди. Бу ҳақда АҚШ давлат департаментининг 3 март куни глобал террористик таҳдид ҳақидаги огоҳлантирувида ёзилган.

"Ишончли манбалар берган маълумотларга кўра, ИШИД ва "Ал-Қоида" Европа ҳудудида терактлар амалга оширишда давом этади. Бу қитъадаги барча мамлакатлар трансмиллий террорчи ташкилотлар таҳдиди остида қолмоқда", дейилади хабарда.

"Европада терактлар ўзини портлатиб юборувчи жангарилар воситасида амалга оширилиши мумкин. Улар жамоат транспортларида ёки кишилар кўп тўпланадиган бошқа жойларда ҳеч қандай огоҳлантиришсиз ўз ниятларига қасд қилиши мумкин. Европага Ироқ ва Суриядаги ИШИД сафидан қайтаётган европалик жангарилар шундай ҳаракатларга қўл уриши мумкин", деб фикрлашган таҳлилчилар.

АҚШ Давлат департаменти бундай ҳужумлар нафақат Европада, балки бутун дунё бўйлаб (Яқин Шарқ, Шимолий Африка, Осиё) содир этилиши эҳтимолидан огоҳлантиради. Шунингдек, 2014 йилнинг августида АҚШ ва унинг иттифоқчилари Ироқ ҳамда Сурияда жангариларга қарши амалиётлар бошлагани америкаликларнинг ҳам ИШИД нишонига айланиши мумкинлигидан огоҳлантиради.

"Экстремистлар одатий қуроллар ва оммавий қирғин қуроллардан фойдаланишлари мумкин", дейилади хабарда.