Бразилия терма жамоаси бош мураббийи Дунга жамоа сардори Неймарнинг суд билан боғлиқ муаммолари тугамаётганидан шикоят қилди.

Эслатиб ўтамиз, Бразилия ҳукумати "Барселона" футболчисини солиқларни яширишда айблаб, уни самолёти, вертолёти ва вилласидан фойдаланишдан маҳрум этган.

"Неймарнинг зиммасида шундай улкан масъулият борки, бундай масъулиятни ўз вақтида Пеле, Зико ва Фалькаонинг зиммасида бўларди. Неймар ҳам ёш бўлишига қарамасдан етарлича етакчилик хусусиятларига эга.

Мен тўғри тушунаман, ҳукумат ўзи тўғри деб биладиган ишни қилмоқда. Лекин менда терма жамоа бош мураббийи сифатида ўзига яраша вазифалар бор. Лекин айтишим керак бўлган гап шуки, Неймар келиши биланоқ, муаммолар бошланади. Мен бу ишга аралашишни истамайман, лекин истайманки барча футболчи терма жамоа сафига фақат футбол ўйнаш хаёли билан келиши керак", дейди Дунга.

Эслатиб ўтамиз, Неймар Бразилия терма жамоасининг 2018 йилги ЖЧ учун саралаш доирасида Уругвай ва Парагвай терма жамоаларига қарши ўйинлари учун чақирилган.