АҚШ президентлигига Республикачилар партиясидан номзод Дональд Трамп Fox News телеканилида ўтказилган дебатда Россия билан муносабатларни йўлга қўйиш унинг учун ёқимли бўлишини айтиб ўтди.

«Путин мен ҳақимда гапириб ўтди, аммо мен у ҳақда гапирмаган эдим. У мен ҳақимда анча яхши гапларни гапирди. Биз Россия билан муносабатларимизни яхши томонга ўзгартирсак яхши бўлар эди», — деди миллиардер.
Унинг сўзларига кўра, Қўшма Штатлар триллионлаб долларни бекорга сарфлагандан кўра, хорижий давлатлар билан муносабатини тўғри йўлга қўя билиши керак. Россия мамлакатга ИШИДга қарши курашда яқин ёрдамчи бўлиши мумкин, деган миллиардер.