Трамп: Сноуденни АҚШга қайтариш керак

Жаҳон 04 Март 2016 2827

3 март куни Детройт шаҳрида бўлиб ўтган навбатдаги дебат чоғида Дональд Трамп Америка Қўшма Штатлари махсус хизмат собиқ ходими Эдвард Сноуденни Америкага қайтариш лозим, деган фикрини маълум қилди.

"Сноуден жосус эди. Биз уни қайтариб олиб келишимиз керак. Агар Россия Федерацияси Қўшма Штатларни ҳурмат қилганда эди, ўша заҳоти уни бизга топширишган бўлар эди”,- деб фикрини изоҳлади президентликка даъвогар.

Эдвард Сноуден – сиёсий таҳлилчи, миллий хавфсизлик бўйича АҚШ Агентлигида фаолият юритган. 2013 йили у АҚШ махсус хизматининг электрон кузатув услублари, жумладан, хориж раҳбарларининг ўзаро суҳбатларига ҳам ноқонуний "қулоқ солиши" ҳақидаги маълумотларни тарқатиб юборган. Америка ҳукуматининг таъқибидан сақланиш учун 20дан ортиқ мамлакат, хусусан Россияга ҳам, бошпана сўраб мурожаат қилган. 2014 йилнинг 1 август куни Сноуден Россия Федерациясида уч йил яшаш ҳуқуқини олди. Шундан буён у Россия ҳудудида истиқомат қилмоқда.

Сноуден зиммасига АҚШда жосуслик қонунининг икки моддасини бузганлик айби юкланган. Ҳар бир модда учун уни 10 йилгача қамоқ жазоси кутмоқда.

Шунингдек, Дональд Трамп ноқонуний муҳожирлар борасидаги кескин қарашларини ўзгартириши мумкинлиги ҳақида тарқалган хабарларни билвосита тасдиқлади.

Дебат давомида у терроризмга алоқадорликда гумонланаётган шахсларни сўроқ қилиш пайтида қаттиққўллик қилиш, масалан, сувга бўктириш ва ундан ҳам бадтарроқ усуллар қўллаш мумкин, деб ҳисоблашини билдирди.

“Агар мен президент бўлиб сайлансам, АҚШ қуролли кучлари менга бўйсунади. Мен уларга террористларнинг оила аъзоларини ҳам йўқ қилишни буюраман. ИШИД бегуноҳ одамларнинг бошларини олади, уларни сувда чўктиради. Биз ҳақиқий ҳайвонларга қарши курашмоқдамиз. Мен табиатан бошқарувчиман ва шундайлигимча қоламан. Ҳарбийлар менга итоат этишади”, - дея ишонч билан қўшимча қилди Трамп.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34784 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73286 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10834 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137955 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 724 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2754 Жамият
Виталий Денисов футболга қайтганидан хурсанд
02:29 1626 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2009 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар